• 22 October 2021 (Friday)
  • |
  • |


रौप्यपदक विजेता कुस्तीपटू रवी दहियाने यांचा प्रेरणादायी प्रवास


५७ किलो ‘फ्री स्टाइल’ प्रकारात खेळतांना त्याला अंतिम सामन्यात रशियाच्या झावूर युगवेवने ७-४ अशा फरकाने पराभूत व्हावे लागले.




हरियाणाच्या नाहरी गावात जन्मलेल्या रवी दहियाने टोकियो ऑलम्पिकमध्ये भारतासाठी रौप्य पदक मिळवले आहे. पुरुषांच्या ५७ किलो ‘फ्री स्टाइल’ प्रकारात खेळतांना त्याला अंतिम सामन्यात रशियाच्या झावूर युगवेवने ७-४ अशा फरकाने पराभूत व्हावे लागले. त्यामुळे तो रौप्य पदकाचा मानकरी ठरला. त्याचा हा विजय त्याच्यासोबत देशासाठी महत्त्वाचा ठरला आहे. रवी सामान्य मध्यमवर्गीय कुटुंबातून आलेला मुलगा आहे. म्हणून त्याचा प्रवास तरुणांना प्रेरणादायी ठरणार आहे. रवीचे वडील शेतकरी आहेत. ते भाड्याने जमीन घेऊन शेती करतात. अतिशय कष्टाने त्यांनी रवीला मोठं केलं. रवीला लहानपणापासून कुस्तीची आवड होती. त्याला कुस्तीतच आपली कारकीर्द करायची होती. म्हणून त्याच्या वडिलांनी त्याला छत्रसाल स्टेडियममध्ये प्रवेश घेऊन दिला. कारण त्याला कुस्तीचे चांगले डावपेच शिकता यावे, चांगले प्रशिक्षण मिळावे, ही त्यांची इच्छा होती.छत्रसाल स्टेडियम मध्ये त्याची ओळख गुरू सतपाल यांच्याशी झाले. त्यानंतर ते त्याचे प्रशिक्षक देखील झाले. गुरू सतपाल हे नावाजलेले कुस्तीपटू होते. वयाच्या २२ व्या वर्षी त्याने आंतरराष्ट्रीय कुस्तीत पदार्पण केले होते. त्याने आपला पहिला सामना वर्ल्ड चँपियनशिप खेळला होता. पुढे त्याने विविध स्पर्धात आपले नाव गाजवले. २०१५ मध्ये आयोजित जूनियर वर्ल्ड चँपियनशिपमध्येही त्याने त्याच्या नावाचा डंका वाजवला होता. या स्पर्धेत त्याने रौप्य पदक पटकावले होते.


महत्वाच्या बातम्या



हवामान