• 25 September 2021 (Saturday)
  • |
  • |


टोकियो ऑलिम्पिक ! पी. व्ही. सिंधूची पदकाकडे वाटचाल


सिंधूचा हा टोकियो ऑलिम्पिकमधील दुसरा विजय आहे




टोकियो ऑलिम्पिकमध्ये भारताची बॅडमिन्टन खेळाडू पीव्ही सिंधूचं जबरदस्त प्रदर्शन पाहायला मिळत आहे. पीव्ही सिंधूनं आणखी एक विजय मिळवला आहे. सिंधूनं प्री-क्वॉर्टर फायनल्समध्ये धडक दिली आहे. सिंधूनं हाँगकाँगच्या खेळाडूला सरळ सेटमध्ये २१-१, २१-१६ नं पराभूत केलं. सिंधूनं पदकाच्या दिशेनं आणखी एक पाऊल पुढं टाकलं. पी. व्ही. सिंधूनं टोकियो ऑलिम्पिकची सुरुवातच विजयानं केली होती. त्यानंतर तिचा दुसरा सामना हाँगकाँगच्या च्युंग एनगान सोबत होता. या सामन्यात सिंधूनं तिचा सहज पराभव केला. सिंधूनं दोन सेटमध्येच च्युंग एनगानचा पराभव केला. सिंधूचा हा टोकियो ऑलिम्पिकमधील दुसरा विजय आहे. या विजयासह सिंधूनं नॉकआउट स्टेजमध्ये प्रवेश केला आहे. सिंधू सामन्याच्या सुरुवातीपासूनच हाँगकाँगच्या च्युंग एनगानवर दबाव बनवून खेळत होती. सिंधू या सामन्यात काहीशी आक्रमक खेळी करताना दिसून आली. पहिल्या सेटमध्ये सिंधूनं हाँगकाँगच्या च्युंग एनगानचा २१-९ अशा फरकानं परभाव केला. खरंतर सिंधूनं पहिल्या सेटमध्येच सामना आपल्या खिशात घातला होता. त्यानंतर दुसऱ्या सेटमध्येही पीव्ही सिंधूनं २१-१६ अशा फरकानं हाँगकाँगच्या च्युंग एनगानचा पराभव केला. अशातच २१-९, २१-१६ अशा सरळ सेटमध्ये सिंधूनं हाँगकाँगच्या च्युंग एनगानला पराभूत केलं. देशाला सिंधूकडून सुवर्णपदकाची अपेक्षा आहे.


महत्वाच्या बातम्या



हवामान